مقدمہ:

مسجد فتح جبل سلع کے مغرب میں واقع ہے۔ جنگ احزاب کے دوران رسول اللہ صلی اللہ علیہ وسلم نے اس جگہ پر الاحزاب کے خلاف دعا فرمائی تھی جسے اللہ تعالیٰ نےاسی مقام پر قبول فرمایا تھا۔ اس مقام پر مسجد الفتح کی بھی تعمیر کی گئی۔

مسجد کے نام:

اس مسجد کو غزوہ أحزاب میں مسلمانوں کی فتح کی مناسبت سے مسجد الفتح بھی کہا جاتا ہے۔ چونکہ رسول اللہ صلی اللہ علیہ وسلم نے اس مسجد میں بیٹھ کر أحزاب کے خلاف دعا کی، اس مسجد کے ناموں میں سے ایک مسجد الأحزاب ہے۔ اس مسجد کا ایک نام بقیہ مجاور مساجد سے اونچا ہونے کی وجہ سے مسجد الاعلی یھی ہے۔

مسجد کی تاریخ:

اس مسجد کو عمر بن العزیز نے اپنی امارت کے دوران تعمیر کیا تھا۔مسجد کی متعدد بار مرمت اور بحالی ہوئی، اس مسجد کی ایک تعمیر نو 575 ہجری میں ہوئی، تیرھویں صدی ہجری میں بھی دوبارہ اس کی تعمیر کی گئی۔ ملک سلمان بن عبدالعزیز کے دور میں اس کی نئے سرے سے تزئین و آرائش کی گئی۔

مسجد فتح کی لوکیشن:

الفتح مسجد مدینہ کے شمال مغرب میں خندق کے ساتھ واقع ہے، یہ مسجد نبوی سے تقریباً 2 کلومیٹر کے فاصلے پر ہے، اس تک شمال کی طرف جانے والی السیح سٹریٹ اور مغرب کی طرف جاتی خالد بن الولید روڈ سے پہنچا سکتا ہے۔