یہ مسجد بنی حارثہ کے مکانوں کے بیچ پائے جانے والے رسول اللہ صلی اللہ علیہ وسلم کے مصلی کے مقام پر واقع ہے۔ اس مقام پر رسول اللہ صلی اللہ علیہ وسلم غزوہ احد سے واپسی پر استر احت فرمایا۔ ملک فہد کے دور میں اس کی جدید طرز پر تعمیر نو اور توسیع ہوی

مسجد کے نام:

اسے بنو حارثہ کے گھروں میں واقع ہونے کی وجہ سے بنو حارثہ مسجد کہا جاتا ہے۔

اس کا دوسرا نام اس کے مقام پر رسول اللہ صلی اللہ علیہ وسلم کے جلسہ استراحت کی مناسبت سے مسجد المستراح ہے

مسجد کی تاریخ:

یہ مسجد رسول اللہ صلی اللہ علیہ وسلم کے دور میں بنائی گئی تھی اور بنو حارثہ اس میں نماز پڑھا کرتے تھے ۔ اسی مسجد میں عصر کے وقت ‏ دوران نماز بنو حارثہ کو تحویل قبلہ کا حکم پہنچا تھا جس کی انہوں نے فورا تعمیل کی۔

اس کی تاریخی اہمیت کی بنا پر ملک فہد بن عبدالعزیز کے دور میں اس کی جدید انداز میں تجدید و توسیع اور تزئین و آرائش کی گئی۔

اسکا محل وقوع:

یہ مسجد سید الشہداء روڈ پر مسجد نبوی کے شمال مغربی میں مسجد شیخین سے 300 میٹر کے فاصلے پر اور مسجد نبوی سے 2.5 کلومیٹر کے فاصلے پر واقع ہے۔